NENO LA LEO | Waefeso 4:11-12, Naye alitoa wengine kuwa mitume, na wengine kuwa manabii, na wengine kuwa wainjilisti na wengine kuwa wachungaji na waalimu…

Waefeso 4:11-12

Naye alitoa wengine kuwa mitume, na wengine kuwa manabii; na wengine kuwa wainjilisti na wengine kuwa wachungaji na waalimu; kwa kusudi la kuwakamilisha watakatifu, hata kazi ya huduma itendeke, hata mwili wa Kristo ujengwe;

TAFAKARI

Kuna Huduma tano za Roho Mtakatifu katika mwili wa Kristo, naposema mwili wa Kristo nina maanisha kanisa la Yesu Kristo hapa duniani. Hili kanisa si dhehebu fulani au dini fulani bali ni wale watu wote waliamua kumpa Yesu maisha yao na kumfanya awe Bwana na mwokozi wa maisha yao. Watu wanaomaani katika kazi ya msalaba wa Kristo na wanaoishi kwa kuongozwa na Roho wa Mungu. Hizi huduma zinatenda kazi hadi leo, maandiko yanasema kuwa Yesu alipofufuka alitoa wengine kuwa mitume, manabii, wainjilisti, na wengine wachungaji na waalimu. Hawa wote wapo ili wawasadie watakatifu waliopo hapa duniani kujenga mwili wa Kristo ili kazi yake ipate kwenda mbele. Ni maombi yangu Mungu azidi kuinua watu watakao kuwa tayari kufanya kazi yake katika huduma yeyote atakayo waamini nayo.

SALA

Mungu wangu, ikukupendeza naomba kwa wakati wako unitumie na mimi katika kutenda kazi katika ufalme wako. Kwa Jina la Yesu, Amina.

©IYK-NENO
www.iykcolumbus.org

Leave a Reply